رائے ونڈ (این این آئی)عالمی اجتماع میں اہم شخصیات کے لئے’’حلقہ خواص ‘‘ختم کرنے کا فیصلہ ،اہم شخصیات اپنے شہر کے حلقوں میں قیام کرینگی ۔معلوم ہوا ہے کہ امسال عالمی اجتماع کے دونوں مرحلوں میں اہم شخصیات کے الگ قائم ہونیوالا حلقہ خواص ختم کردیا گیا جس میں ملک بھر کی اہم شخصیات کیلئے قیام وطعام کا انتظام کیا جاتا تھا ۔تبلیغی اکابرین نے حلقہ خواص کو ختم کرکے اہم شخصیات کو انکے آبائی حلقوں میں ٹھہرانے کا فیصلہ کیا ہے جس کی رو میں تمام اہم شخصیات اپنے شہروں کے حلقہ جات میں قیام کرینگے اور وہیں وہ بیانات سنیں گے ۔ذرائع کے مطابق تبلیغی اکابرین کے اس فیصلے سے کارکنان کی ایک بہت بڑی تعداد اجتماع کے دیگر انتظامات میں مصروف ہو جائیگی جو حلقہ خواص میں ڈیوٹی سرانجام دیتے تھی۔