اسلام آباد ( آئی این پی ) وفاقی وزیر دفاع و پانی و بجلی خواجہ محمد آصف نے کہا ہے کہ جب میرے لیڈر کو کوئی کچھ کہے گا تو میں بھی حساب برابر کروں گا ، اندرون خانہ دشمنوں کا ٹارگٹ نواز شریف ہے ، بلاول کے نعر ے مودی کے یار کو ایک دھکا اور دو کا کیا مطلب ہے ، بلاول ابھی بچے ہیں سیاسی پختگی معاملات کے تسلسل سے آتی ہے ۔ وہ منگل کو نجی ٹی وی کو انٹرویو دے رہے تھے ۔ انہوں نے کہا کہ سرحدوں پر دشمن ہمارے ملک کو نقصان پہنچانا چاہتے ہیں ۔ سرحد پار دشمن چاہتے ہیں کہ پاکستان ترقی نہ کرے ۔ ہماری فوج نمبر ون ہے ۔ دہشتگردی کے خلاف ہماری افواج نے جو جنگ لڑی ہے دنیا میںکسی نے نہیں لڑی۔ انہوں نے کہا کہ جب میرے لیڈر کو کوئی کچھ کہے گا تو میں حساب برابر کروں گا ۔ اندرون خانہ دشمنوں کا ٹارگٹ نواز شریف ہے ۔ جب میرے لیڈر کو عمران خان کچھ کہیں گے تو ہم بھی کچھ نہ کہیں گے ۔ بلاول کے نعرے مودی کے یار کو ایک دھکا اور دو کا آخر مقصد کیا تھا ۔ انہوں نے کہا کہ دشمن چاہتے ہیں کہ سی پیک منصوبے پر عملدرآمد نہ ہو ۔ میرے لیڈر نے 2013 کے انتخابات میں ڈیڑھ کروڑ ووٹ لیے ۔ اس کو عمران خان نے سیکیورٹی رسک قرار دے دیا