اسلام آباد (این این آئی) عوامی مسلم لیگ کے سربراہ شیخ رشید نے پیپلز پارٹی کے رہنما اعتزاز احسن سے ملاقات کی ٗپی ٹی آئی کے دھرنے میں شامل ہونے کی باضابطہ دعوت دی ۔ذرائع کے مطابق پاناما لیکس پر حکومت کو ٹف ٹائم دینے والی تحریک انصاف کے اتحادی شیخ رشید متحرک ہو گئے پیر کو انہوں نے پاکستان عوامی تحریک کے رہنماؤں سے ٹیلی فونک رابطے کے بعد پیپلز پارٹی کے رہنما اعتزاز احسن کے گھر جا کر ملاقات کی اور پی ٹی آئی کے دھرنے میں شامل ہونے کی باضابطہ دعوت دی ۔ملاقات کے بعد بیان میں شیخ رشید نے کہا کہ اسلام آباد دھرنے میں شمولیت پر قائل کرنے کیلئے لطیف کھوسہ سے بھی ملوں گا ۔ انہوں نے کہا کہ پیپلز پارٹی کرپشن کے خلاف جمہوری قوتوں کا ساتھ دے ۔انہوں نے اعتزاز احسن سے درخواست کی کہ پاناما لیکس اور کرپشن کے خلاف پی ٹی آئی کا ساتھ دیں ۔تاہم اعتزاز احسن نے اس حوالے سے مشاورت کیلئے وقت مانگ لیا ہے اور کہا کہ پارٹی قیادت سے بات چیت کے بعد ہی حتمی جواب دیں گے ۔