اسلام آباد(مانیٹرنگ ڈیسک)عوامی مسلم لیگ کے سربراہ شیخ رشید احمد نے کہاہے کہ موٹروے ن لیگ کے دورحکومت میں ضروربنوائی گئی تھی لیکن موٹروے کی تعمیرکے پیسے مشرف حکومت نے اداکئے ۔ایک نجی ٹی وی سے گفتگوکرتے ہوئے شیخ رشید نے انکشاف کیاکہ شریف برادران کوموٹروے بنانے کے بعد کمیشن کھاکرچلے گئے تھے اوربعد میں ڈبلیوایف اواوردیگرکمپنیوں کے اربوں روپے کے بقایاجات مشرف حکومت نے اداکئے ۔انہوں نے کہاکہ بھاشاڈیم سمیت کوئی بھی منصوبہ موجودہ حکومت پایہ تکمیل تک نہیں پہنچائے گی بلکہ اس میں بھی حکومت کی فنکاری سامنے آجائے گی ۔انہوں نے کہاکہ ملک میں بجلی ہے نہ پانی اورہی روزگارہے ۔انہوں نے کہاکہ اب بھی کسی اورجگہ کی نہیں لال حویلی کی بات کرتاہوں وہاں بھی دودوگھنٹے بجلی جارہی ہے ۔