اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید احمد نے پاکستان عوامی تحریک کے سیکرٹری جنرل خرم نوازگنڈاپورسے ملاقات کی ۔ایک نجی ٹی وی کے مطابق عوامی مسلم لیگ کے سربراہ شیخ رشید احمد نے پاکستان عوامی تحریک کے سیکرٹری جنرل خرم نوازگنڈاپورسے ملاقات کی ہے اوراس موقع پرشیخ رشید نے پاکستانی عوامی تحریک کوتحریک انصاف کے اسلام آبادمیں احتجاج کی درخواست کی ۔جبکہ اس دوران شیخ رشید نے عوامی تحریک کے سربراہ ڈاکٹرطاہرالقادری سے بھی ٹیلی فون پربات چیت کی ۔اس موقع پرشیخ رشید اورطاہرالقادری میں ملک کی موجودہ سیاسی صورتحال پرتبادلہ خیال کیاگیا۔تحریک انصاف کے اسلام آباد میںاحتجاج کی دعوت پرطاہرالقادری نے کہاکہ احتجاج میں شرکت کافیصلہ پارٹی کی مشاورت سے کریں گے اس موقع پرطاہرالقادری نے کہاکہ وہ تحریک انصاف کے احتجاج کی کامیابی کے دعاگوہیں ۔ 

موضوعات:تحریک انصاف طاہرالقادری