اسلام آباد(مانیٹرنگ ڈیسک)جماعت اسلامی کے امیر سراج الحق نے کہا ہے کہ خیبر پختونخوا حکومت نے اگر سرکاری سکولوں میں اسلامیات اساتذہ کی پوسٹ بحال نہ کی اور سپریم کورٹ کے فیصلہ کے مطابق اردہ کو سرکاری زبان کا درجہ نہ دیا تو جماعت اسلامی حکومت سے علیٰحدہ ہو جائے گی۔سراج الحق نے ان خیالات کااظہار اضاخیل میں اختتامی سیشن سے خطاب کرتے ہوئے کیا۔انہوں نے کہاکہ موجودہ حکمرانوں نے پاکستان کو امریکہ کا اصطبل بنایا ہے۔ انہوں نے کہاکہ انگریزوں سے جاگیریں اور خطاب لینے والوں نے قوم پر جمود طاری کر دیا ہے جماعت اسلامی اس جمود کو توڑے گی اور اضاخیل کے اجتماع میں اتنی بڑی تعداد مرد و خواتین کے اجتماع سے اس جمود کو توڑنے کا آغاز ہو گیا ہے۔سراج الحق نے کہاکہ ہم ظلم کے اس نظام سے بغاوت کا اعلان کرتے ہیں اور جو لوگ اس بغاوت میں حصہ نہیں لیتے وہ بھی اس جرم میں شریک ہیں ۔انھوں نے کہا کہ دو فی صدمافیا نی98فی صد عوام کو یر غمال بنایا ہے۔ سراج الحق نے کہا کہ اسحاق ڈار کو آئی ایم ایف نے کامیاب وزیر خزانہ قرار دیا ہے کہ انھوں نے اپنے بچوں کا بیک بیلنس بڑا دیا ہے اور ملک کو 19ارب ڈالر کا مقروض کردیاہے ۔انہوں نے کہاکہ جماعت اسلامی اپنے منشورکے مطابق ہرمطالبے کوپوراکرنے کےلئے ہرفورم استعمال کیاجائے گا۔