اسلام آباد(مانیٹرنگ ڈیسک) وزیر اعظم میاں نواز شریف اچانک بغیر پروٹوکول صنعتکار چوہدری منیر کی رہائشگاہ پر پہنچ گئے۔ تفصیل کے مطابق وزیر اعظم نواز شریف لاہور میں واقع چوہدری منیر صنعتکار کے گھر بغیر پروٹوکول کے جا پہنچے ، میاں نواز شریف کا استقبال ان کی نواسی مہرالنساء اور چوہدری راحیل منیر نے کیا۔ وزیر اعظم نواز شریف گزشتہ روز 12 بج کر 50 منٹ پر چوہدری منیر کی رہائشگاہ جا پہنچے جس پر سیکورٹی اداروں میں ہلچل مچ گئی۔ رپورٹ کے مطابق وزیر اعظم نواز شریف نے وہاں دو گھنٹے سے زائد قیام کیا اور واپس اپنی رہائشگاہ جاتی عمرہ کیلئے روانہ ہوگئے۔ وزیر اعظم کا یہ اچانک دورہ ان کی نجی مصروفیات کی بناء پر تھا۔