اسلام آباد(ایکسکلوژو رپورٹ) نجی ٹی وی رپورٹ کے مطابق وزیر اعظم نواز شریف تقریر کے دوران غریبوں کا ذکر کرتے ہوئے آبدیدہ ہو گئے تھے لیکن عین اسی وقت پہلی صف میں براجمان وزیر اعظم کی صاحبزادی مریم نواز پہلی صف میں بیٹھی ہمراہ بیٹھے شخص کے ساتھ ہنس مسکرا کر گفتگو کر رہی تھیں ۔ سوشل میڈیا پر عوام کی بڑی تعداد کی جانب سے مریم نواز کے اس اقدام کو تنقید کا نشانہ بنایا جا رہا ہے اور یہ کہا جا رہا کہ کیا یہ سب کچھ پلان تھا؟ اور ڈرامہ تھا؟
دوسری جانب عوامی مسلم لیگ کے سربراہ شیخ رشید احمد نے بھی نواز شریف کے آنسووں کا بھی دنیا نے مزاق اڑایا،انہیں آنسو نہیں آئے تھے ،انھوں نے آنکھوں میں گلیسرین ڈالی تھی۔نواز شریف وہ نہیں جو دکھائی دیتے ہیں اور ہم حسن اور حسین کے ساتھ نہیں ہیں جو اپنی گولڈن اسٹیٹ بنارہے ہیں۔انہوں نے کہا کہ حکومت سمجھتی ہے کہ ہمیں ایک ڈسٹرکٹ میں روک لے گی تو یہ اس کی غلطی ہے۔ہم جدوجہد کر رہے ہیں ،ہار نہیں مانیں گے۔دھرنے میں شرکت کے لئے طاہر القادری سے رابطہ ہو سکتا ہے ، سیکنڈ راونڈ کے لئے انہیں رکھ سکتے ہیں،سراج الحق کو بھی کرپشن کے خلاف دھرنے میں شرکت کی دعوت دیتا ہوں۔2نومبر کوجو گھر میں بیٹھے گا وہ چور حکومت کے ساتھ تصور کیاجائے گا، اب ٹی ٹونٹی ہوگا،دس سے بارہ دن میں فیصلہ ہونا چاہیے۔انہوں نے مزید کہا کہ اگر عمران خان کوگرفتار کیا گیا توہزاروں لوگ انہیں چھڑانے جائیں گے،وہ عدالت نہ گئے تو اپنے وکیل کو بھیج دیں گے۔سندھ کی سیاسی صورتحال پر بات چیت کرتے ہوئے ان کا کہنا تھا کہ بلاول بھٹو کی ریلی ناکام ترین تھی۔

موضوعات:شیخ رشید عمران خان مریم نواز نواز شریف آبدیدہ