کراچی(این این آئی)خام تیل کی قیمت میں اضافہ ہوگا اور سونے کی قیمت کم ہوگی۔ ورلڈ بینک نے 2017میں اجناس کی متوقع قیمتوں پر رپورٹ جاری کردی۔ورلڈبینک کی جانب سے جاری کی گئی کموڈیٹی مارکیٹ اؤٹ لک میں ورلڈ بینک نے رواں سال خام تیل کی فی بیرل اوسط قیمت 46 ڈالر رہنے کی توقع کی ہے۔رپورٹ میں 2017میں خام تیل کی فی بیرل قیمت 55ڈالرجبکہ توانائی کی مجموعی اوسط قیمت میں 25فیصد اضافے کے اندازے لگائے گئے ہیں۔دھاتوں ، معدنیا ت اور زرعی اجناس کی قیمتوں میں 1.4فیصد اضافہ ہوگا، رپورٹ کے مطابق آئندہ سال شرح سود میں اضافے کے سبب سونے کی قیمتیں کم ہونگی۔