پشاور(این این آئی)پشاور کے علاقے تہکال میں تین خواتین کوقتل کرنے کے واقعہ کا معمہ حل ہوگیا،گھر کے سربراہ نے بیوی اور دو بیٹیوں کو غیرت کے نام پر قتل کیاپشاور کے علاقے تہکال چمیاری میں کچھ روز قبل تین خواتین کو قتل کرنے کے بعد لاشیں جلانے کے واقعہ کا معمہ حل ہوگیا ،ذرائع کے مطابق گھر کے سربراہ نے اپنی بیوی اور دو بیٹیوں کو غیرت کے نام پر قتل کیا،ڈسکو نامی ملزم نے تینوں خواتین کو زہر دیکر مارا جس کے بعد لاشیں جلاکر قریبی علاقے میں پھینک دی،زرائع کا کہنا ہے کہ ملزم واردات کے بعد افغانستان فرارہونے میں کامیاب ہو گیا،لاشوں کی شناخت ڈی این اے ٹسٹ کے زریعے کی گئی ،تینوں خواتین کو گزشتہ ہفتے قتل کیا گیا تھا اور تہکال کے علاقے سے ان کی جلی ہوئی لاشیں ملی تھیں۔پولیس نے ملزم کی گرفتاری کیلئے اقدامات شروع کر دیئے ہیں۔

موضوعات:پشاور