اسلام آباد(این این آئی)پاکستان تحریک انصاف کے دو نومبر کے دھرنے کیخلاف حکومت نے دیگر جماعتوں سے رابطے شروع کر دئیے اس سلسلے میں وزیر ریلوے خواجہ سعد رفیق نے اپوزیشن لیڈر خورشید سے دھرنے کیخلاف مشترکہ حکمت عملی اپنانے کی درخواست کر دی ۔نجی ٹی وی کے مطابق وفاقی وزیر ریلوے خواجہ سعد رفیق نے اپوزیشن لیڈر خورشید شاہ کو ٹیلی فون کیا اور دو نومبر کے اسلام آباد دھرنے سے متعلق مشترکہ حکمت عملی بنانے کی درخواست کی ، جس پر خورشید شاہ نے پارٹی قائدین سے مشاورت کر کے جواب دینے کا کہا ہے ۔ حکومتی وفد کی اپوزیشن لیڈر خورشید شاہ سے منگل کو اسلام آباد میں ملاقات بھی متوقع ہے ۔