اسلام آباد(این این آئی)حکومت سے پس پردہ مذاکرات،تحریک انصاف حقیقت سامنے لے آئی،چوہدری نثار کے بارے میں اہم مطالبہ کردیا،پاکستان تحریک انصاف کے سربراہ عمران خان کی ترجمان شیریں مزاری نے کہا ہے کہ دانیال عزیز کے پاس مسلح افراد کے دھرنے میں شرکت کے ثبوت ہیں تو وزیر داخلہ کو فراہم کریں ۔ میڈیا رپورٹ کے مطابق انہوں نے کہاکہ دانیال عزیز نے دعویٰ کیا ہے کہ پاکستان تحریک انصاف دو نومبر کے دھرنے میں پانچ سو مسلح افراد لا رہی ہے ، اگر دانیال عزیز کے پاس معلومات ہیں تو وہ وزیر داخلہ کے علم میں کیوں نہیں لائے ۔ رحمان ملک کے بیان پر ردعمل ظاہر کرتے ہوئے شیریں مزاری کا کہنا تھا کہ تحریک انصاف حکومت کے ساتھ پس پردہ کوئی مذاکرات نہیں کر رہی ، حکومت، پی ٹی آئی رابطوں سے متعلق رحمان ملک نے غلط بیانی کی