اسلام آباد (این این آئی)تحریک انصاف کے رہنما شاہ محمودقریشی کی ق لیگ کے سربراہ چوہدری شجاعت سے ملاقات ہوئی ہے جس میں پاناما لیکس کی تحقیقات کے حوالے سے تبادلہ خیال کیا گیا میڈ یا رپورٹس کے مطابق شاہ محمود قریشی چوہدری برادران سے ملنے ان کے گھر گئے جہاں چوہدری شجاعت اور چوہدری پرویز الہٰی نے ان سے ملاقات کی ۔اس موقع پر ملک کی مجموعی سیاسی صورتحال پر تبادلہ خیال کیا گیا اور پاناما لیکس کی تحقیقات کے لیے حکومت کے خلاف مشترکہ لائحہ عمل طے کرنے کے حوالے سے بھی بات چیت کی گئی ۔اس موقع پر شاہ محمود قریشی نے دھرنے کی حمایت کرنے پر چوہدر ی برادران کا شکریہ ادا کیا اور دھرنے میں شرکت کی دعوت بھی دی ۔