شکارپور(آئی این پی)سندھ اسمبلی کے حلقہ پی ایس 11 شکار پور میں پاکستان پیپلز پارٹی کے امیدوار امتیاز شیخ نے 36200ووٹ لے کر میدان مار لیا،جے یوآئی کے ناصر محمود سومرو دوسرے نمبر پر رہے۔جمعرات کو غیر سرکاری غیر حتمی نتائج کے مطابق پی ایس 11کے ضمنی انتخابات میں پیپلزپارٹی کے امیدوار امتیاز شیخ 36200ووٹ لے کر کامیاب ہوئے اور جے یوآئی کے ناصر محمود سومرو دوسرے نمبر پر رہے ۔جے یوآئی کے ناصر محمود نے 27400 ووٹ حاصل کیے۔واضح رہے کہ پی پی کے منتخب امیدوار امتیاز شیخ 2013 کے عام انتخابات میں اسی نشست سے مسلم لیگ فنکشنل کے ٹکٹ پر کامیاب ہوئے تھے تاہم بعد میں انہوں نے پیپلز پارٹی میں شمولیت اختیار کرلی اور اسی حلقے سے دوبارہ الیکشن لڑ کر منتخب ہوگئے۔