اسلام آباد(مانیٹرنگ ڈیسک )پاکستان مسلم لیگ (ن) کےایم پی اے میاں طاہر جمیل اور وزیر قانون رانا ثناء اللہ خان کے در میان اختلافات میں شدت اختیارکرگئے ۔ ن لیگی رکن اسمبلی طاہر جمیل نے رانا ثناء اللہ خان کے خلاف پنجاب اسمبلی میں قراداد جمع کروادی ‘جے آئی ٹی بنانے کا بھی مطالبہ کر دیا ۔ تفصیلات کے مطابق میاں طاہر جمیل اپنے اوپرقاتلانہ حملے کے پیچھے رانا ثناء اللہ خان کا ہاتھ ہونے کا دعویٰ کیاہے اورکہاہے کہ راناثنااللہ مجھ پرحملہ کرانے میں ملوث ہیں ۔پنجاب اسمبلی میں ن لیگی رکن اسمبلی میاں طاہر جمیل نے پنجاب اسمبلی میں رانا ثناء اللہ خان کے خلاف قر ار داد جمع کرواتے ہوئے انکو فوری معطل کر کے معاملے کی جے آئی ٹی کے ذریعے شفاف انکوائری کا مطالبہ کر دیا ہے ۔