لاہور (آن لائن)ملک میں کہیں موسم گرم اور خشک ہے تو کہیں ہلکا سرد ہونا شروع ہوگیا ہے۔ موسم کی تبدیلی سے موسمی بیماریاں بھی پھیلنے لگی ہیں۔پنجاب میں ملتان،فیصل آباد سمیت اکثر شہروں میں درجہ حرارت میں بتدریج کمی آنا شروع ہوگئی ہے،سندھ کے بیشتر شہروں میں دن بھر موسم گرم جبکہ صبح اور رات کو موسم ٹھنڈا ہوجاتا ہے۔گلگت بلتستان،آزادکشمیر اور شمالی بلوچستان میں بھی موسم سردہونا شروع ہوگیا ہے۔محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم خشک اور میدانی علاقوں میں گرم رہے گا۔موسم خشگ ہونے کی وجہ سے لوگوں میں موسمی بیماریاں جس میں نزلہ زکام اور بخار شامل ہیں زیادہ رپورٹ ہو رہے ہیں۔