اسلام آباد(ایکسکلوژو رپورٹ) پاک سرزمین پارٹی کے چیئرمین مصطفی کمال نے حکومت سے بڑا مطالبہ کر دیا۔ مصطفی کمال نے الطاف حسین کو مخاطب کرتے ہوئے کہا کہ متحدہ کے بانی سن لیں کہ ہم ڈرنے والے کسی صورت نہیں۔ مصطفی کمال نے کہا کہ بانی متحدہ الطاف حسین کو چیلنج کرنے کا مطلب ہے کہ ہم نے بھارت کو چیلنج کر دیا ہے۔ مصطفی کمال نے گورنر سندھ پر گفتگو کرتے ہوئے کہا کہ عشرت العباد یہ کہتا پھر رہا ہے کہ ہمارے پیچھے اسٹیبلشمنٹ کا ہاتھ ہے۔ عشرت العباد کو بزنس کمیونٹی میں رشوت العباد کے نام سے جاناجاتا ہے۔ مصطفی کمال نے حکومت سے مطالبہ کیا کہ گورنر سندھ عشرت العباد کا نام ای سی ایل میں ڈالا جائے اور انہیں فوری گرفتار کیا جائے۔
میڈیا کے نمائندوں سے گفتگو کرتے ہوئے کہا کہ عشرت العباد کو بزنس کمیونٹی میں رشوت العباد کہا جاتا ہے کیونکہ وہ اس حوالے سے اپنا ’شاندار‘ ماضی رکھتے ہیں۔ مصطفی کمال نے دعویٰ کیا کہ گورنر سندھ ایم کیو ایم کی قیادت سے ہر وقت رابطے میں رہتے ہیں اور انہوں نے لوگوں کو ہمارے پاس آنے سے روکا ہوا ہے۔ مصطفی کمال نے الزام عائد کیا کہ عشرت العباد نے لندن، کراچی، ابو ظہبی اور کینیڈا میں جائیدادیں بنائی ہوئی ہیں اور یہ جائیدادیں رشتے داروں کے نام پر ہیں۔مصطفی کمال نے الزام عائد کیا کہ بانی ایم کیو ایم کو اس نہج پر پہنچانے والا آدمی گورنر سندھ ہے۔

موضوعات:ایم کیو ایم عشرت العباد گورنر سندھ مصطفی کمال