اسلام آباد(مانیٹرنگ ڈیسک) وفاقی وزیر داخلہ چوہدری نثار نے کہاہے کہ جون 2017 میں ای پاسپورٹ کا آغاز کر رہے ہیں۔ اس سسٹم سے بیرونِ ملک پاکستانیوں کو بڑا فائدہ ہو گا۔ ایک سال میں 72 نئے پاسپورٹ آفس قائم کرنے جا رہے ہیں جن پر 70 کڑور روپے خرچ ہونگے۔ ای پاسپورٹ دس سال کے لیے جاری کیا جائے گا اور وزیراعظم نے اس کی منظوری دی ہے۔ چوہدر ی نثارعلی خان نے پریس کانفرنس سے خطاب کرتے ہوئے کہاکہ ہر ضلع میں ایک پاسپورٹ آفس قائم کیا گیا ہے۔ انہوں نے بتایا کہ وزیراعظم کے حکم پر انکوائری کا حکم دیا گیا۔ متعلقہ صحافی کا نام مجبوری کے طور پر ای سی ایل میں ڈالا گیا۔ دو تین اور لوگ اس انکوئری کا حصہ ہیں انہیں بھی کہیں نہیں جانے دیں گے۔ صحافی پر کسی قسم کا کوئی پریشر نہیں ہو گا لیکن انکوائری ہونی ہے۔ اس نے بیرونِ ملک بکنگ نہ کروا رکھی ہوتی تو اس کا نام کبھی بھی ای سی ایل میں نہ ڈالتے۔ بغیر تصدیق خبر شائع ہونے سے نان اسٹیٹ ایکٹر کو پاکستان کے مخالف بات کرنے کا موقع ملا۔ خبر میں دیے گیا مؤقف ہمارے دشمنوں کا مؤقف تھا۔ ان کا مزید کہنا تھا کہ میں کسی ایسے عسکری ذرائع کو نہیں جانتا جو چھپ کر آپ سے رابطہ کرے۔

موضوعات:ای پاسپورٹ وفاقی وزیرداخلہ