اسلام آباد(مانیٹرنگ ڈیسک) عوامی تحریک کے سربراہ طاہرالقادری جوکہ ان دنوں لندن میں ہے اورمیڈیامیں لندن پلان کی باتیں کی جارہی ہیں۔معروف تجزیہ کارفوادچوہدری نے اپنے تجزیے میں کہاکہ چوہدری سروراورشیخ رشید کالند ن کادورہ پہلے سے طے ہے جبکہ طاہرالقادری جہانگیرترین سے ملاقات نہیں کرینگے ۔انہوں نے کہاکہ عمران خان اب سولوفلائٹ ہی لیں گے کیونکہ انہوں نے طاہرالقادر ی کے بارے میں جوزبان استعمال کی تھی اب طاہرالقادری کسی صورت تحریک انصاف کے دھرنے میں شریک نہیں ہونگے اورنہ عمران خا ن سے اس سلسلے میں رابطہ کرینگے ۔فوادچوہدری نے کہاکہ طاہرالقادری جہانگیرترین سے ملاقات نہیں کرینگے کیونکہ لودھراں کے ضمنی الیکشن میں جہانگیرترین کے انتخابات کے دوران طاہرالقادری نے اپناامیدوارکھڑاکیاتھاجس کوشکست کاسامناکرناپڑا۔انہوں نے کہاکہ طاہرالقادری جہانگیرترین سے لندن میں کبھی نہیں ملیں گے ۔انہوں نے کہاکہ سب جانتے ہیں کے جہانگیر ترین اور طاہر القادری کے تعلقات کیسے ہیں، وہ لندن ان سے ملنے گئے ہی نہیں تھے میڈیا پر غلط خبر چلائی گئی ہیں ۔
پاکستان عوامی تحریک کے سربراہ ڈاکٹر طاہر القادری نے پارٹی ذمہ داران کو پی ٹی آئی رہنماؤں سے ملاقاتیں نہ کرنے کی ہدایت کرتے ہوئے لندن
پلان کے پراپیگنڈے کی ہر سطح پر تردید کی جائے ۔ذرائع کے مطابق شیریں مزاری کے بعد عمران خان کے رشتہ مانگنے سے متعلق متنازعہ بیانات کے بعد سے عوامی تحریک اور تحریک انصاف میں دوریاں پائی جارہی ہیں ۔بتایا گیا ہے کہ ڈاکٹر طاہر القادری نے پارٹی ذمہ داران کو ہدایت کی ہے کہ پی ٹی آئی رہنماؤں سے ملاقاتوں سے بھی گریز کیا جائے ۔ رہنماؤں کو یہ بھی ہدایت کی گئی ہے کہ وہ لندن پلان کے حوالے سے پراپیگنڈے کا بھرپور جواب دیں اور اس کی ہر سطح پر تردید کی جائے۔
