فیصل آباد(مانیٹرنگ ڈیسک)صوبائی وزیر قانون رانا ثناء اللہ نے کہاہے کہ پاکستان تحریک انصاف کے چیئر مین عمران خان نے رائیونڈ مارچ میں 5لاکھ بندہ اکٹھا کرنے کا دعوی کیا تھا، اگر یہ 2لاکھ بندہ بھی اکٹھا نہ کر سکے تو عوام سے معافی مانگیں۔ میڈیا سے گفتگو کرتے ہوئے رانا ثنااللہ کا کہناتھا کہ پنجاب بھر سے جو بھی رائیونڈ جانا چاہے گا ہم اسے پہنچائیں گے، اگر کسی کے پاس کرایہ نہ ہو تو اسے کرایہ اور سواری بھی دینے کے لئے تیار ہیں۔ انہوں نے کہا کہ عمر ا ن خا ن اکیلے ہی چلے تھے یہ اکیلے ہی رہ جائیں گے، ہم بلدیاتی اداروں کو مکمل کرنا چاہتے ہیں تاکہ وہ عوام کی خدمت کر سکیں۔ان کا کہناتھا کہ ہماری پالیسی یہ ہے کہ ن لیگ کا کوئی بھی کارکن رائیونڈ مارچ کے راستے میں نہ آئے۔ انہوں نے کہا کہ رائیومڈ مارچ کو فول پروف سیکیورٹی فراہم کی جائے گی، پنجاب بھر سے جو بھی رائیونڈ جانا چاہے گا ہم اسے پہنچائیں گے۔ اگر کسی کے پاس کرایہ نہ ہو تو اسے کرایہ اور سواری بھی دینے کے لئے تیار ہیں ۔

موضوعات:!رانا ثناء اللہ