ہفتہ‬‮ ، 05 اپریل‬‮ 2025 

’’ایم کیو ایم پالیسی کی دھجیاں‘‘ کارکنوں نے کراچی میں الطاف حسین کی سالگرہ شاندار انداز میں منا ڈالی‘ کیا ہوتا رہا؟

datetime 17  ستمبر‬‮  2016
ہمارا واٹس ایپ چینل جوائن کریں

کراچی( آن لائن ) متحدہ قومی موومنٹ کی طلبہ تنظیم آل پاکستان متحدہ اسٹوڈنٹس آرگنائزیشن (اے پی ایم ایس او) نے ایم کیو ایم پاکستان کی پالیسی سے انحراف کرتے ہوئے الطاف حسین کی سالگرہ منائی۔اے پی ایم ایس او کے ٹوئٹر اکاؤنٹ پر پوسٹ کی گئی تصاویر میں واضح طور پر دیکھا جاسکتا ہے کہ تنظیم کے چیئرمین سرفراز احمد صدیقی الطاف حسین کی 63ویں سالگرہ کا کیک کاٹ رہے ہیں۔خیال رہے کہ ایم کیو ایم گزشتہ برس تک 17 ستمبر کو الطاف حسین کی سالگرہ کے دن کے طور پر بھر پور انداز سے مناتی تھی، تاہم گزشتہ ماہ 22 اگست کو الطاف حسین نے کراچی پریس کلب کے باہر اور امریکا میں کارکنوں سے خطاب میں پاکستان کے خلاف نعرے لگائے اور وطن عزیز کو اس دنیا کے لیے ناسور قرار دیا جس کے بعد ایم کیو ایم پاکستان نے اپنے قائد تحریک سے قطع تعلق کر دیا اور پارٹی کو پاکستان سے چلانے کا اعلان کیا۔
رواں برس 17 ستمبر کو الطاف حسین 63 برس کے ہو گئے ہیں اور اے پی ایم ایس او کے چیئرمین سرفراز احمد صدیقی جو کیک کاٹ رہے ہیں اس پر بھی 63 کا ہندسہ لکھا ہوا ہے جس سے واضح ہورہا ہے کہ یہ تصاویر رواں برس کی ہی ہیں۔یاد رہے کہ ایم کیو ایم نے پارٹی کے آئین میں ترمیم کرکے الطاف حسین کا نام قائد تحریک کے طور پر بھی اس سے نکال دیا ہے جبکہ پارٹی پرچم پر بھی اب الطاف حسین کے بجائے صرف انتخابی نشان پتنگ پرنٹ کیا جائے گا۔واضح رہے کہ ایم کیو ایم کے سیاسی حریف خاص طور پر متحدہ قومی موومنٹ چھوڑ کر پاک سرزمین پارٹی (پی ایس پی) کے نام سے نئی جماعت بنانے والے کراچی کے سابق میئر مصطفیٰ کمال یہ دعویٰ کرتے رہے ہیں کہ ایم کیو ایم پاکستان نے لندن میں مقیم الطاف حسین سے اپنا تعلق ختم نہیں کیا بلکہ وہ اپنے قائد سے احکامات لے رہے ہیں۔دوسری جانب ایم کیو ایم کے لندن سیکریٹریٹ میں بھی الطاف حسین کی سالگرہ منائی گئی جبکہ وہاں الطاف حسین نے خود کیک نہیں کاٹا بلکہ ان کی جگہ ندیم نصرت نے کیک کاٹ کر ان کی سالگرہ منائی، کیک پر واضح طور پر قائد تحریک لکھا ہوا تھا، جس سے یہ تاثر دینے کی کوشش نظر آتی ہے کہ ایم کیو ایم کی قیادت تاحال الطاف حسین کے پاس ہی ہے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…