لاہور(این این آئی)پاکستان تحریک انصاف کے وائس چیئرمین شاہ محمود قریشی نے کہا ہے کہ پاناما لیکس پر حزب اختلاف کا موقف ایک ہے اسی لیے تمام اپوزیشن جماعتوں کو رائیونڈ جلسے میں شرکت کی دعوت رہے ہیں ،انہوں نے کہاکہ چوہدری شجاعت نے کہا کہ پنجاب میں کسی کے گھر کا گھیرا ؤکرنے کی روایت نہیں انکے تحفظات پر نواز شریف کے گھر سے پانچ کلو میٹر دور جلسہ گاہ کا انتخاب کیا گیا اپوزیشن جماعتوں کیلئے جلسے کی تاریخ میں تبدیلی کی بھی گنجائش رکھی ہے ۔نجی ٹی وی سے گفتگو کرتے ہوئے شاہ محمود قریشی نے بتایا کہ رائیونڈ جلسہ کیلئے اعتزاز احسن کو دعوت دے دی ، دوبارہ بھی پیپلز پارٹی سے شرکت کی درخواست کریں گے ۔ دیگر اپوزیشن جماعتوں کو رائیونڈ جلسے میں شرکت کی دعوت دینگے تاہم فیصلہ ان کاہو گا ۔انہوں نے کہا کہ تحریک انصاف کے پاناما سے متعلق موقف کی تمام اپوزیشن جماعتوں نے تائید کی ہے۔ پاناما لیکس پر ہم الیکشن کمیشن گئے تو پیپلز پارٹی نے بھی کمیشن سے رجوع کیا ، سپریم کورٹ میں درخواست دی تو جماعت اسلامی نے بھی عدالت عظمی سے رجوع کیا ، سینیٹ میں پاناما لیکس پر تحریک انصاف کے بل کو تمام اپوزیشن جماعتوں نے متفقہ طور پر اپنایا ۔ اسپیکر کے پاس ریفرنسز دائر کیے تو شیخ رشید نے بھی ریفرنس دائر کیا ۔انہوں نے کہاکہ چوہدری شجاعت نے کہا کہ پنجاب میں کسی کے گھر کا گھیرا ؤکرنے کی روایت نہیں انکے تحفظات پر نواز شریف کے گھر سے پانچ کلو میٹر دور جلسہ گاہ کا انتخاب کیا گیا، اپوزیشن جماعتوں کیلئے ہم رائیونڈ جلسے کی تاریخ میں تبدیلی کی بھی گنجائش رکھی ہے۔

موضوعات:شجاعت حسین