اسلام آباد(مانیٹرنگ ڈیسک)پاکستان کی قومی ون ڈے کرکٹ ٹیم کے کپتان اظہر علی نے کپتانی چھوڑنے سے انکار کر دیا ہے اور اپنے اس فیصلے متعلق کرکٹ بورڈ حکام کو مطلع کر دیا ہے ۔
تفصیلات کےمطابق انگلینڈ سے ون ڈے سیریز بری طرح ہارنےکے بعد قومی  ٹیم کے کپتان کو شدید تنقید کا سامنا کرنا پڑ رہا تھا اور سینئر کرکٹرز اور میڈیا کی جانب سے ان کے استعفے کا مطالبہ کیا جارہا تھا جس کے بعد سے یہ امید ظاہر کی جا رہی تھی کہ وہ 10 ستمبر کو اپنے استعفے کا علان کر دیں گے۔
تاہم انہوںنے پاکستان کرکٹ بورڈ کے چیئرمین شہریار خان کو اپنے فیصلے کے متعلق آگاہ کرتے ہوئے کپتانی نہ چھوڑنے کے عزم کا اعادہ کیا ہے ۔ ان کاکہنا تھا کہ کپتانی سے دستبرداری ہونے کی کوئی وجہ نہیں ہے لہذا ان کے کپتانی چھوڑنے کے کوئی امکانات نہیں ہیں۔