اسلام آباد (مانیٹرنگ ڈیسک)نادرا کا ایک اور کارنامہ ، رحیم یار خا ن کے شہری کو اس کے دادا سے بھی بڑا کردیا۔35 سالہ شخص کی عمر شناختی کارڈ میں 116 سال درج کردی ۔متاثرہ شخص نےحکام کو بار بار تصحیح کیلئے درخواست کی کوئی شنوائی نہیں ہوئی ۔کبھی مرد کو عورت ، عورت کو مرد ، کسی کو بڑا تو کسی کو چھوٹابنا دینا ، نادراکا تو آج کل بائیں ہاتھ کا کام بن چکا ہے۔ایسا ہی کچھ محمود کوٹ کے رہائشی نصیر احمد کے ساتھ ہوا، جس کی شناختی کارڈ میں پیدائش 1900 درج کر دی گئی اور جبکہ اس کے والد کی پیدائش 1960 درج ہے۔متاثرہ شخص نے اپنے وکیل کے ہمراہ میڈیا سے گفتگو کرتے ہوئے بتایا کہ میری عمر 116 سال درج ہونے کی وجہ سے کسی بھی سرکاری دفتر میں میری شنوائی نہیں ہوتی ۔متاثرہ شخص نے اعلیٰ حکام سے نوٹس لینے اور شناختی کارڈ میں درستگی کا مطالبہ کیا ہے۔