اسلام آباد( مانیٹرنگ ڈیسک) آرمی چیف جنرل راحیل شریف نے ٹیک آف کرنے کے بعد دوبارہ نیچے اتار کر عمران خان سے کیا بات کی ؟ صحافی ندیم ملک کے سوال کے جواب میں عمران خان نے ایک بار پھر واضح کر دیا کہ راحیل شریف کے ساتھ دہشت گردی کے متعلق ہی گفتگو کی گئی اس کے علاوہ ان کی آپس میں کوئی بات نہیں ہوئی۔
عمران خان کا کہنا تھا کہ جنرل راحیل شریف نے اپنے ہیلی کاپٹر سے اتر کر ان سے بات چیت کرتے ہوئے اس بات کا ذکر کیا کہ فوج اپنا کام مکمل کر چکی ہے اب سیاست دانوں کی باری ہے کہ وہ آگےآئیں اور فاٹا کے عوام کی فلاح و بہبود اور ان کی ترقی کے ساتھ ساتھ ان کی دوبارہ آباد کاری کے سلسلہ میںعملی اقدامات کریں ۔ ندیم ملک کی جانب سے سوال دوبارہ دہرائے جانے پر بھی عمران خان کا کہنا تھا کہ اگر عمران خان کی ملاقات راحیل شریف سے ہو جاتی ہے تو لوگوںکو بلاوجہ پریشانی لاحق ہو جاتی ہے اور وہ عمران خان سے جل جاتے ہیں۔
صحافی کے سوال پر کہ کل سے شروع ہونے والی تحریک کے متعلق جنرل راحیل نے ان سے کوئی بات کی تو عمران خان کا کہنا تھا کہ ایسی کوئی بات نہیں ہوئی ۔ جب عمران خان سے پوچھا گیا کہ راحیل شریف کی ریٹائرمنٹ کی تاریخ بھی نزدیک ہے اور اس سلسلے میں بھی فیصلہ ہونا باقی ہے تو عمران خان نے جواب دیا کہ اس سلسلے میں تو بحث کرنے کی ضرورت ہی نہیں سمجھتے کیونکہ راحیل شریف نے خود ہی کہہ دیا ہے کہ وہ ایکسٹینشن نہیں لیں گے۔