اسلام آباد(مانیٹرنگ ڈیسک)نجی ٹی وی رپورٹ کے مطابق سابق صدر پرویز مشرف کے میڈیا کوارڈینیٹر مہدی حسن مبینہ طور پر لاپتہ ہو گئے۔ ذرائع کے مطابق سابق صدر پرویز مشرف کے میڈیا کورارڈینیٹر مہندی حسن کراچی سے مبینہ طور پر لاپتہ ہو گئے جن کے بارے میں تاحال کچھ پتہ نہیں چل سکا۔ مہدی حسن کے بھائی کا کہنا ہے کہ انہیں گزشتہ روز گھر سے اغواء کیا گیا۔ نجی ٹی وی رپورٹ کے مطابق مہدی حسن کے بھائی کا کہنا تھا کہ مسلح افراد نے اہل خانہ کو یرغمال بنایا اور لاپتہ ہونے کا ڈرامہ رچایا جا رہا ہے ۔مہدی حسن کا شمار پرویز مشرف کے قریبی اور اہم ساتھیوں میں ہوتا ہے۔

موضوعات:سابق صدر پرویز مشرف میڈیا کوارڈینیٹر مہدی حسن