ہفتہ‬‮ ، 05 اپریل‬‮ 2025 

متحدہ قومی موومنٹ پر پابندی ،وفاق ،سندھ حکومت اور تحریک انصاف کاموقف سامنے آگیا

datetime 27  اگست‬‮  2016
ہمارا واٹس ایپ چینل جوائن کریں

متحدہ قومی موومنٹ پر پابندی ،وفاق ،سندھ حکومت اور تحریک انصاف کاموقف سامنے آگیا
اسلام آباد (آئی این پی) وفاق ،سندھ حکومت اور تحریک انصاف نے متحدہ قومی موومنٹ پر پابندی لگانے کی مخالفت کردی۔ وفاقی وزیر اطلاعات و نشریات سینیٹر پرویز رشید کا کہنا ہے سیاسی جماعتوں پر پابندی لگانے کا تجربہ ماضی میں درست نہیں رہا دوبارہ وہی تجربہ دوہرانے کی ضرورت نہیں، مشیر قانون سندھ مرتضی وہاب کا کہنا ہے کہ ایم کیو ایم ایک سیاسی حقیقت ہے پیپلز پارٹی کا موقف واضح ہے کسی کے ساتھ زیادتی نہیں ہونی چاہیے، رہنما تحریک انصاف عارف علوی نے کہا کہ سیاسی جماعت پر پابندی لگانے سے کوئی فرق نہیں پڑتا، نیشنل عوامی پارٹی پر پابندی لگائی گئی وہ عوامی نیشنل پارٹی بن گئی۔وہ ہفتہ کو نجی ٹی وی پروگرام میں گفتگو کر رہے تھے اس موقع پر وفاقی وزیر اطلاعات و نشریات پرویز رشید نے کہا کہ متحدہ قومی موومنٹ پاکستان نے پہلے الطاف حسین سے لاتعلقی کا اعلان کیا آج واضح انداز میں ہر تعلق ختم کرنے کا اعلان کردیا ہے ،بھائی اور قائد جیسے خطاب بھی استعمال کرنا بند ہوچکے ہیں،جس دن الطاف حسین نے پاکستان مخالف نعرے لگوائے اس دن میں نے فاروق ستار سے رابطہ کیا وہ کافی پریشان تھے، انہوں نے کہا کہ تسلیم کرنا چاہیے کہ فاروق صاحب نے درست فیصلہ کر کے درست سمت میں قدم بڑھایا ، فاروق ستار جرائم پیشہ افراد کے خلاف صوبائی حکومت کی کاروائی میں ساتھ دیں، جرائم میں ملوث اور قانون کے خلاف کام کرنے والوں کے خلاف کاروائی ہونی چاہیے،انہوں نے کہا کہ ہم نے ماضی میں بھی سیاسی جماعتوں پر پابندی لگانے کے تجربے کیے ہیں لیکن اب وہی تجربہ دوہرانے کی ضورت نہیں ، ہمیں بھی چاہیے کہ ایم کیو ایم پاکستا ن کی سیاست میں مثبت کردار ادا کرتی رہے۔ مشیر قانون سندھ مرتضی وہاب کا کہنا تھا کہ اگر کسی پارک پر کنسٹرکشن کی گئی ہے تو ریاست کاروائی کا اختیار رکھتی ہے، وزیراعلیٰ سندھ نے تجاوزات کے خلاف آپریشن کی اجازت دی ہے،ایم کیو ایم ایک سیاسی حقیقت ہے ، پیپلز پارٹی کا موقف کلئیر ہے کہ کسی کے ساتھ زیادتی نہیں ہونی چاہیے،پابندی لگانے سے مسئلہ حل نہیں ہوگا، ہمیں اپنے مقصد پر توجہ دینی چاہیے۔تحریک انصاف کے رہنما عارف علوی کا کہنا تھا کہ صرف بین لگانے سے کوئی فرق نہیں پڑتا25-30 سال میں کراچی میں جو قتل و غارت ہوئی اس میں اکیلا الطاف ذمہ دار نہیں، ماضی میں نیشنل عوامی پارٹی پر پابندی لگائی گئی وہ عوامی نیشنل پارٹی بن گئی، سیاسی جماعت پر پابندی کا ماضی میں کوئی فائدہ نہیں ہوا۔(ح ب)

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…