اسلام آباد(مانیٹرنگ ڈیسک )حساس اداروں کی نشاندہی پر دہشت گردی کا بڑا منصوبہ ناکام، کوٹلی بڑی تباہی سے بچ گیا پاک آرمی اور پولیس کے مشترکہ آپریشن میں دو دہشتگر د گرفتار کر لیے گئے ، تفصیلات کے مطابق ضلع کوٹلی پاک آرمی اور پولیس کی مشترکہ کاوشوں سے بڑی تباہی سے بچ گیا حساس اداروں کی نشاندہی پر عدیل ولد شاہ کمال قوم راجپوت ساکن سہنسہ رحمان پل کوٹلی سے گرفتار کر لیا گیا دہشت گردوں کا کوٹلی ، کھوئی رٹہ مختلف جگہوں کو ٹارگٹ کرنے کا ارادہ تھا عدیل نامی دہشت گرد سے 10کلو دھماکہ خیز مواد برآمد کر لیا گیا عدیل کی نشاندہی پر لائن آف کنٹرول کھوئی رٹہ سیکٹر کے گاؤں کھڈ مٹھی دھڑہ سے پاک آرمی اور پولیس نے مشترکہ آپریشن کر کے محمد اکرام ولد عبداللہ قوم گجر کو گرفتار کر لیا ۔
ذرائع نے بتایا کہ محمد اکرم اس سے قبل بھی ملک دشمن سرگرمیوں میں ملوث ہونے کی پاداش میں 6سال کی قید کاٹ چکا ہے اور 2سال قبل ہی رہا ہوا تھا ادھر عوامی حلقوں نے پاک آرمی حساس اداروں اور پولیس کی مشترکہ کاوشوں پر زبردست خراج تحسین پیش کرتے ہوئے کہا کہ اداروں کی کاوش سے ضلع کوٹلی بڑی تباہی سے بچ گیا دہشت گردی کے بڑے منصوبہ کو ناکام بنانے اور نیٹ ورک پکڑنے پر جائنٹ آپریشن میں شامل افراد کو تعریفی اسناد اور نقد انعام سے نوازا جانا چائیے۔