ڈیرہ غازی خان (این این آئی) ڈیرہ غازی خان میں ایک لڑکی پسند کی شادی نہ ہونے پر مسجد کے مینار پر چڑھ گئی ۔میڈیا رپورٹ کے مطابق پسند کی شادی کے حوالے سے والدین کے انکار پر لڑکی نے مسجد کے مینار پر چڑھ کر خودکشی کرنے کی کوشش کی تاہم اہل علاقہ نے پولیس کو اطلاع کر دی جس کے بعد لڑکی کو باحفاظت نیچے اتار لیا گیا ۔پولیس ذرائع کا کہنا ہے کہ لڑکی کی ذہنی حالت درست نہیں اور وہ پہلے بھی اس قسم کے اقدامات کرتی رہی ہے تاہم لوگوں نے اطلاع دی کہ لڑکی پسند کی شادی نہ ہونے پر خودکشی کر نے کی کوشش کر رہی ہے جس پر کارروائی کی گئی اور لڑکی کو نیچے اتار کر اہلخانہ کے حوالے کر دیا ۔

موضوعات:شادی