پشاور(این این آئی) تحریک انصاف کے ناراض اراکین نے آج بنی گالا میں اپنے تحفظات دور نہ ہونے کی صورت میں آئندہ کا لائحہ عمل طے کرنے کا اعلان کر دیا ،صوبائی حکومت سے بہت تحفظات ہے۔ تحریک انصاف کے ناراض اراکین ایک بار پھر اپنے مطالبات کے لیے میدان میں کود پڑے ، ناراض اراکین کا اجلاس پشاور میں منعقد ہوا جس کی صدارت یاسین خلیل نے کی، میڈیا سے گفتگو کرتے ہوئے یاسین خلیل کا کہنا تھا کہ عمران خان نے ہفتہ بنی گالا طلب کیا ہے جس کے بعد اپنا لائحہ عمل طے کرینگے۔ تحریک انصاف کے ناراض اراکین نے کہا ہے کہ صوبائی وزراء مہینوں تک دفتر نہیں آتے ،عوام کی فلاح کیلئے جو کام ہونا چاہئے ہو نہیں ہورہا،آج عمران خان سے جائز مطالبات کے حوالے سے بنی گالا میں ملاقات کریں گے۔ناراض اراکین کا کہنا تھا کہ 28اگست کو ناراض اراکین کی جانب سے ورکرزکنونشن کا شیڈول جاری کیا جائے گا،ناراض اراکین کا کہنا تھا کہ عمران خان کے 13نکاتی ایجنڈے پرعملدآمد نہ ہونے کا خدشہ ہے ،پارٹی کے منشورپر عملدرآمد کیلئے 3سال کے جدوجہد کی ہے،وزراء مہینوں تک دفتر نہیں آتے،عوام کی فلاح کیلئے جو کام ہونا چاہئے ہو نہیں ہورہا،پارٹی کا گراف نیچے کی طرف جا رہا ہے ،احتساب کمیشن بنا لیکن بے رحم احتساب نہیں ہوا ،ناراض اراکین کے اجلاس میں ایم این اے جنید اکبر،خیال زمان،ساجد نواز اور داور کنڈی سمیت ایم پی اے قربان علی،یاسین خلیل،بابرسلیم،جمشید مہمند امجد آفریدی ، لائر فورم اور پارٹی کارکنوں نے بھی شرکت کی۔