اسلام آباد (این این آئی)عوامی مسلم لیگ کے سربراہ شیخ رشید نے کہا ہے کہ عمران خان جب بھی تحریک کیلئے نکلتے ہیں یا تو ان کا پیر پھسل جاتا ہے یا پھر شادی کا تڑکا لگ جاتا ہے ٗگزشتہ روز ہی میں انہیں تحریک کی کامیابی کے بعد شادی کا مشورہ دیا ہے۔ٹی وی پروگرام میں اظہار خیال کرتے ہوئے شیخ رشید نے کہا کہ وزیر اجازت کے بغیر فیملیز کے ساتھ بیرون ملک جارہے ہیں، 2016ء حکومتی کی رخصتی کا سال ہے ،30دن کے اندر سارے فیصلے ہوجائیں گے۔شیخ رشید نے کہاکہ 13اگست کی ریلی کو متنازع بنایا گیا ٗمیں نے نعیم الحق کو پی ٹی آئی کی ریلی 14 اگست کو کرنے کا مشورہ دیا تھا ٗکچھ لوگوں نے کام دکھادیا،عمران خان شریف آدمی ہیں ۔انہوں نے کہا کہ کہ پہلے 7بجے ناشتہ کرتا تھا اب 6بجے کرتا ہوں ٗسینئر سٹیزن ہونے کے بعد میں نے شیڈول تبدیل کردیا ہے ۔