اسلام آباد(آن لائن) اسلام آباد کی ضلعی عدالت نے آرمی چیف سے متعلق متنازعہ بینرز آویزاں کرنے والی تحریک کے چیئرمین کو 14روزہ جوڈیشل ریمانڈ پر جیل بھیج دیا، تفصیلات کے مطابق سوموار کے روز سول مئجسٹریٹ سلمان بدر نے آرمی چیف کی حمایت میں بینر لگانے اور فوج کو اقتدار پر قبضہ کرنے کے حوالے سے بینر لگانے والی تحریک موو آن کے چیئرمین محمد کامران کے مقدمے کی سماعت، پولیس نے ملزم محمد کامران کو تین روزہ جسمانی ریمانڈ ختم ہونے پر عدالت پیش کیا گیا، عدالت نے ملزم کو 14روز جوڈیشل ریمانڈ پر جیل بھیج دیا ہے، واضح رہے کہ ملزم محمد کامران کے خلاف تھانہ سیکٹریٹ اور تھانہ مارگلہ میں مقدمہ درج ہے، جبکہ موو آن تحریک کے دو اور کارکنان بھی اسلام آباد پولیس کی تحویل میں ہے۔