اسلام آباد(مانیٹرنگ ڈیسک) امریکہ کی اسلام دشمنی ایک بار پھر کھل کر سامنے آ گئی۔ تفصیل کے مطابق دنیا کی سب سے بڑی خود ساختہ جمہوریت اور انسانی حقوق کے دعویداروں کا گھناؤنا چہرا ایک بار پھر بے نقاب ہو گیا۔ پاکستانی نژاد امریکی جوڑے کو جہاز میں پسینہ آنے پر لفظ ’’اللہ‘‘ کہنے کی وجہ سے پرواز سے آف لوڈ کر دیا گیا۔ رپورٹ کے مطابق فیصل علی اور نازیہ علی ڈیلٹا ایئر لائن کی ایک پروازمیں سوار تھے اور جہاز اڑنے کے منتظر تھے کہ اس دوران عملے نہیں جہاز سے آف لوڈ ہونے کا کہا کہ ان سے پوچھ گچھ کی جائے گی۔
جب پاکستانی نژاد امریکی جوڑے کو جہاز سے باہر لیجایا گیا تو انہیں کہا گیا کہ آپ اپنا سامان لیجائیں کیونکہ آپ اس پرواز پر سفر نہیں کر سکتے۔ نازیہ کے مطابق یہ سب ان کیلئے بہت عجیب اور خطرناک تھا۔ عملے کی رکن نے پائلٹ کو بتایا کہ عملے کے کسی شخص کو ان کی موجودگی ناگوار گزری، کیونکہ فیصل نے اپنا فون چھپایا اور عملے کے ایک ممبر نے انہیں پسینہ آنے پر ’’اللہ‘‘ کہتے ہوئے بھی سنا جس پر انہیں طیارے سے آف لوڈ کر دیا گیا۔

موضوعات:اللہ‘‘ کیوں کہا امریکیوں پاکستانی جوڑے