اسلام آباد (این این آئی)وفاقی وزیرمذہبی امور سرداریوسف نے کہا ہے کہ رویت ہلال کمیٹی کی تشکیل نو کا حتمی فیصلہ کرلیا ہے ٗ رویت ہلال کمیٹی کی تشکیل نو کیلئے چاروں صوبائی اسمبلیوں سے قراردادیں منظور کرنے کے لیئے صوبوں کو خط لکھ دیا ہے۔رویت ہلال کمیٹی کی تشکیل نو کے حوالے سے وفاقی وزیرمذہبی امور سرداریوسف کا میڈیا سے غیر رسمی گفتگو کرتے ہوئے کہاکہ رویت ہلال کمیٹی کو ائینی کورفراہم کرنے کیلئے صوبوں کو خطوط ارسال کردیئے ہیں ٗخطوط میں رویت ہلال کمیٹی کی ازسرنوتشکیل کیلئے قراردادیں منظور کرنے کا کہا گیا ہے۔سرداریوسف کے مطابق قراردادوں کی منظوری کے بعد رویت ہلال کمیٹی کی تشکیل کیلئے دیگر آئینی تقاضے پورے کیئے جائینگے۔