اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے لاہور میں بچوں کے اغواء بارے پاکستان کی اہم ترین شخصیت کے بیان پر کڑی تنقید کر دی ۔ تفصیل کے مطابق نجی ٹی وی پروگرام میں سینئر تجزیہ نگار نے کہا کہ پاکستان کے اہم مسائل کے بارے میں جس طرح پاکستانی رہنماء گفتگو کرتے ہیں اس پر ہمیں بہت افسوس ہے۔ سینئر تجزیہ نگار سمیع ابراہیم نے نجی ٹی وی پروگرام میں سپیکر قومی اسمبلی ایاز صادق کی وڈیو فوٹیج آن ایئر کر دی جس میں سپیکر قومی اسمبلی ایاز صادق میڈیا سے گفتگو کرتے ہوئے کہہ رہے تھے کہ لاہور میں بچوں کے اغواء کا واقعہ کوئی نیا نہیں۔ ایسے واقعات ہوتے رہتے ہیں ۔۔یہ کوئی اتنی بڑی بات نہیں۔ کبھی یہ واقعات ہائی لائٹ ہو جاتے ہیں اور کبھی نہیں ہوتے۔ ہمیں اس پر چوکنا رہنا پڑے گا۔