کراچی(این این آئی)سندھ کابینہ کے دوسرے مرحلے میں سابق وزیر منظور وسان سمیت مزید 9 وزرا کو شامل کیاجائے گا۔9وزرا آئندہ کچھ دنوں میں حلف اٹھائیں گے۔ کابینہ کے نئے وزرا میں منظوروسان، میر ہزارخان بجارانی، محمد بخش مہر، ناصر شاہ، ممتازجکھرانی اور گیان چند ایسرانی کی شمولیت کا امکان ہے۔ ذرائع کے مطابق وزیراعلی مراد علی شاہ کابینہ کے باقی اراکین کی قیادت سے منظوری لیں گے جبکہ محکمہ ایکسائز کا قلمدان مکیش کمار چاؤلہ کو دینے پر ملک اسد سکندر نے اعتراض کردیا ہے۔ دوسری جانب قیوم سومرو دوبارہ مشیر بننے کی کوششیں جاری رکھے ہوئے ہیں۔