لاہور(اے پی پی)خبر رساں ادارے اے پی پی کے مطابق لاہور ہائیکورٹ کی جسٹس عائشہ اے ملک نے محرم کے بغیر خواتین کی حج پر پابندی عائد کئے جانے کے خلاف دائر درخواست پر وفاقی حکومت اور وزارت مذہبی امور کو نوٹس جاری کرتے ہوئے جواب طلب کرلیا ۔دوران سماعت درخواست گزار حادی کوثر نے موقف اختیار کیا کہ شیعہ مسلک میں چالیس سال سے بڑی عمرکی خواتین محرم کے بغیر حج کے لئے جا سکتی ہیں، خواتین کے حج پر جانے سے متعلق محرم کی پابندی کے حوالے سے وفاقی حکومت کی جانب سے پالیسی میں بھی پابندی کا کوئی ذکر نہیں ہے۔سرکاری وکیل نے حکومتی جواب داخل کرنے کے لئے مزید مہلت کی استدعا کی جس پر عدالت نے محرم کے بغیر خواتین کی حج پر پابندی عائد کئے جانے کے خلاف دائر درخواست پر وفاقی حکومت اور وفاقی وزارت مذہبی امور کو نوٹس جاری کرتے ہوئے جواب طلب کرلیا۔‎