اسلام آباد (مانیٹرنگ ڈیسک)حکومت پاکستان نے سی ایس ایس امتحانات کا طریقہ کار تبدیل کرنے کا فیصلہ کرتے ہوئے ،سی ایس ایس امتحانات جنرل، فنانس اور انفارمیشن گروپ میں تقسیم کردئیے ہیں جبکہ سال2018ء میں سی ایس ایس امتحانات تھری کلسٹر پروگرام کے تحت لینے کی تیاریاں کی جارہی ہیں۔ تفصیلات کے مطابق حکومت پاکستان نے سی ایس ایس امتحانات کا طریقہ کار تبدیل کرنے کا فیصلہ کر لیا ۔ اب مخصوص گروپ میں امتحان دینے کے لیے متعلقہ تعلیمی ڈ گری لازمی ہو گی۔نئے قوانین کے تحت انفارمیشن اور فنانس گروپ میں سی ایس ایس امتحان دینے کے لیے متعلقہ تعلیمی ڈگری لازم ہو گی جبکہ جنرل ڈسپلن کی ڈگری صرف جنرل گروپ کے لیے ہی قابل قبول ہوگی۔سی ایس ایس فنانس گروپ میں آڈٹ اینڈ اکاونٹس ، پاکستان کسٹمز ، ان لینڈ ریوینو ، انکم ٹیکس اور کامرس اینڈ ٹریڈ جبکہ جنرل گروپ میں پولیس سروسز آف پاکستان ، فارن سروسز ، ڈی ایم جی ، آفس منیجمنٹ گروپ اور ریلوے کے شعبے شامل ہیں ۔