حیدرآباد (این این آئی)سیشن کورٹ حیدر آباد نے پاک سرزمین پارٹی کے مرکزی رہنما انیس قائم خانی کی جلا گھیرا کے کیس میں ضمانت منظور کر لی ، خوشی میں پاک سرزمین پارٹی کے رہنماں اور کارکنان نے مٹھائیاں تقسیم کیں ۔پاک سرزمین پارٹی کے مرکزی رہنما انیس قائم خانی پر کینٹ پولیس نے1994 میں کار نذر آتش کرنے کے الزام میں کیس داخل کیا تھا جس کے خلاف انیس قائم خانی کے وکلا نے ضمانت کی درخواست داخل کی تھی ۔ آج سیشن کورٹ میں ضمانت کی درخواست پرسماعت ہوئی ، انیس قائم خانی اور سرکاری وکلا کی بحث کے بعد عدالت نے ایک لاکھ روپے کی ضمانت منظور کر لی ۔ اس موقع پر پاک سرزمین پارٹی کے رہنماں اور کارکنان نے کورٹ میں مٹھائیاں تقسیم کیں اور ایک دوسرئے کو مبارکباد پیش کی ۔یاد رہے کے انیس قائم خانی کو ڈاکٹر عاصم کیس میں ضمانت رد ہونے کے بعد کراچی پولیس نے گرفتار کر لیا تھا ۔