کراچی (آئی این پی) وزیر اعلیٰ سندھ سید قائم علی شاہ کا استعفیٰ گورنر سندھ نے منظور کر لیا اور سندھ کابینہ تحلیل کر دی گئی۔ سندھ حکومت کے 18 وزراء ، 5 مشیر ، 22 معاونین اور 13 کوآرڈینیٹر وزیر اعلیٰ سندھ کے ساتھ رخصت ہو گئے۔ ذرائع کے مطابق بدھ کو وزیر اعلیٰ سندھ کا استعفیٰ گورنر سندھ نے منظور کر لیا اور سندھ کابینہ تحلیل کر دی گئی۔ محکمہ سروسز اینڈ جنرل ایڈمنسٹریشن نے تحلیل ہونے کا نوٹیفیکیشن جاری کر دیا۔ سندھ اسمبلی کے 18 وزراء ، 5 مشیر ، 22 معاونین اور 13 کوآرڈینیٹر وزیر اعلیٰ سندھ کے ساتھ رخصت ہو گئے۔ نئی کابینہ میں 12 وزیر ، 3 مشیر اور 3 معاونین خصوصی شامل ہونگے۔ نئی کابینہ نثار کھوڑو ، منظور وسان ، مخدوم جمیل ، جام مہتات ، گیان چند ، مکیش چاولہ اور ہزار بجارائی کو بھی وزارتیں ملیں گی۔ ‎