اسلام آباد(آئی این پی) محکمہ موسمیا ت نے آئندہ 24گھنٹوں کے دوران ملک کے مختلف حصوں میں بارشوں کی پیشنگوئی کر دی۔ منگل کو محکمہ موسمیات کی بارش کی پیشنگوئی کے حوالے سے جاری ایک رپورٹ کے مطابق آئندہ 24گھنٹوں کے دوران راولپنڈی ،اسلام آباد، گجرانوالہ، لاہور، سرگودھا، فیصل آباد، ساہیوال، مالاکنڈ، ہزارہ، پشاور، مردان، کوہاٹ،بنو، ڈی آئی ڈویژن، فاٹا اور کشمیر میں تیز ہواؤ ں اور گرج چمک کے ساتھ بارش کا امکان ہے جبکہ ژوب،قلات، میر پور خاص ڈویژن اور گلگت بلتستان میں بعض مقامات پر بھی بارش کا امکان ہے۔ محکمہ موسمیات کے مطابق گزشتہ 24گھنٹوں کے دوران ملک کے بیشتر حصوں میں موسم گرم مرطوب رہا جبکہ راولپنڈی، گجرانوالہ، لاہور، ہزارہ، مکران اور میر پور خاص ڈویژن میں بارش ہوئی۔