اسلام آباد ( این این آئی)تحریک انصاف کے چیئرمین عمران خان سے سینئر قانون دان بابر اعوان نے ملاقات کی جس میں وزیر اعظم کیخلاف سپریم کورٹ میں پٹیشن دائر کرنے بارے سمیت دیگر معاملات پر تفصیلی غور کیا گیا ۔ ذرائع کے مطابق اس موقع پر بابر اعوان نے وزیر اعظم نواز شریف کی نااہلی کے لئے الیکشن کمیشن میں دائر ریفرنس اور پاناما لیکس کے معاملے پر قانونی پہلوؤں پر بریفنگ دی جبکہ سپریم کورٹ میں پٹیشن دائر کرنے پر بھی غور کیا گیا۔ملاقات میں سیالکوٹ سے قومی اسمبلی کے حلقہ این اے 110کے دھاندلی کیس پر بھی گفتگو ہوئی۔ذرائع کے مطابق عمران خان کا کہنا تھا کہتحریک انصاف پاناما لیکس کے معاملے پر پیچھے نہیں ہٹے گی، وزیر اعظم کا الیکشن کمیشن اور عدالتوں سمیت ہر محاذ پر پیچھا کرینگے۔ پاناما لیکس کی تحقیقات کے معاملے پر اپوزیشن جماعتوں سے رابطے میں ہیں اور تحریک چلانے کا فیصلہ اٹل ہے۔