اسلام آباد(مانیٹرنگ ڈیسک) سپریم کورٹ کے رجسٹرار آفس نے موو آن تحریک کے سربراہ کامران خان ، رکن قومی اسمبلی شیخ رشید اور ڈاکٹر دانش کیخلاف دائردرخواست پر اعتراض لگا کر واپس کرتے ہوئے درخواست گزار کومتعلقہ فورم سے رجوع کرنے کی ہدایت کی ہے۔ یاد رہے کہ سپریم کورٹ میں یہ درخواست ایک صحافی کی جانب سے دائر کی گئی تھی جس میں فوج کو اقتدار پر قبضہ کرنے کی دعوت دینے کے الزامات کے تحت مندرجہ بالا افراد کیخلاف غداری کا مقدمہ چلانے کی استدعا کی گئی تھی، جورجسٹرارآفس نے اعتراضات لگاکرواپس کردی ہے۔