نئی دہلی(این این آئی)بھارت میں ایک شخص نے اپنے گھر پر پاکستان کا جھنڈا لگا دیا۔ بھارتی میڈیا رپورٹس کے مطابق نالندا کے ایک محلے میں رہائشی عمارت پر محمد جیاددین رضا خان نامی شخص نے اپنے گھر پر پاکستان کا جھنڈا لگایاجس کی اطلاع صبح سویرے علاقہ مکینوں نے مقامی پولیس کو دی ٗاطلاع کے فوری بعد پولیس نے اس شخص کے گھر پہنچ کر پاکستانی پرچم کو اتار دیا ٗ اس معاملے کی تفتیش کا بھی آغاز کردیا۔ایس پی کمار برکت نے بتایا کہ محمد جیاددین رضا خان اور اس کی بیوی شبانہ انور نے بیٹے کی پیدائش کی منت مانگی تھی اور منت پوری ہونے پر انہوں نے اپنے گھر میں پاکستانی جھنڈا لہرایا دوسری جانب علاقہ مکینوں نے مطالبہ کیا کہ پاکستانی پرچم لہرانے والے شخص کو فوری طور پر گرفتار کیا جائے۔