پاراچنار (این این آئی)افغانستان کے صوبہ خوست سے 70 پاکستانی آئی ڈی پیز خاندان کرم ایجنسی کے راستے پاکستان واپس آگئے ، آئی ڈی پیز میں بچوں اور خواتین سمیت دو سو افراد شامل ہیں۔پولیٹیکل حکام کے مطابق شمالی وزیرستان کے مختلف علاقوں سے آپریشن اور دھشت گردی کے واقعات کے باعث مختلف خاندان نقل مکانی کرکے افغانستان چلے گئے تھے اور افغانستان کے صوبہ خوست کے علاقے گربز میں پناہ لے لی تھی۔ سہولیات کی عدم دستیابی اور دیگر مسائل کے باعث اور اپنے گھروں کو دوبارہ آباد کرنے کیلئے انہوں نے دوبارہ پاکستان آنے کا فیصلہ کیا اور خرلاچی ، شہیدانو ڈنڈ بارڈر سے کرم ایجنسی کے راستے پاکستان میں داخل ہوئے اور کرم ایجنسی سے بنوں روانہ ہوگئے ۔ میڈیا سے بات چیت کرتے ہوئے واپس آنے والے آئی ڈی پیز کا کہنا ہے تھا کہ انہیں خوشی ہے کہ وہ اپنے ملک میں واپس آئے اور اپنے گھروں کو دوبارہ آباد کرینگے۔