سوات (آن لائن) سوات کے علاقے بحرین میں پولیس نے کارروائی کر کے دہشتگردی کا بڑا منصوبہ ناکام بنا دیا۔ تفصیلات کے مطابق جمعہ کے روز سوات کے علاقے بحرین میں پولیس کے خفیہ اطلاع ملنے پر بروقت کارروائی عمل میں لاتے ہوئے مانکیال کے پہاڑ کے غار سے5کلو گرام بارود، پریشر ککر، بیٹریاں اور دیگر سامان برآمد کر کے دہشتگردی کا منصوبہ ناکام بنا دیا۔ ڈی پی او سوات سلیم مروت کا کہنا ہے کہ دہشتگرد سوات میں تخریب کاری کرنا چاہتے تھے۔ جس کو کارروائی کر کے ناکام کر دیا ہے۔ جبکہ دہشتگردوں کی گرفتاری کے لئے کارروائیاں جاری ہیں۔