اسلام آباد (مانیٹرنگ ڈیسک)پاکستان تحریک انصاف کے سربراہ عمران خان کی تیسری شادی کے سوشل میڈیا پر وائرل ہونی والی تصویروں نے تہلکہ مچایا ہوا ہے ، نجی ٹی وی کے پروگرام میں سینئر تجزیہ نگار فوادچوہدری نے عمران خان کی مبینہ اہلیہ افشاں مسعود سے پوچھا کہ آپ عمران خان کو کب سے جانتی ہیں؟ اور اگر نہیں جانتی تو میڈیا پر چلائی جانے والی تصویروں کے پر آپ کیا ایکشن لیں گی؟ جس کے جواب میں افشاں مسعود کا کہنا تھا کہ میں نہ تو عمران خان کو جانتی ہوں میں حیران ہوں کہ میری صبح سے میڈیا پر تصویریں چلائی جارہی ہیں اور مجھے لوگوں کے فون کالز آرہی ہیں۔
ہمارا ایسی فیملی سے تعلق ہے جس میں ان چیزوں کو معیوب سمجھا جاتا ہے اور ہم ان چیزوں کوافورڈ نہیں کر سکتے ۔ میں نے اپنے وکیل سے بات کی ہوئی ہے اور میں واپس آتے ہی ان کے خلاف کاروائی کروں ، اس کی وجہ سے میری فیملی اور میرے بچے بہت پریشان ہوئے ہیں ،میں حیرت زدہ ہوں کہ میڈیا والے کسی کی بھی عزت کی پروا نہیں کرتے یہ کسی کی عزت اچھا ل کر رکھ دیتے ہیں۔ پوچھے گئے ایک اور سوال میں جواب میں انہوں نے کہا ہے کہ میں چھٹیوں میں اپنے بچوں کے ہمراہ لندن آئی ہوں ، یہ ایک اتفاق ہے ، میں ایک ہاؤس وائف ہوں اور میرا ایک شریف فیملی سے تعلق ہے ۔