سوات (مانیٹرنگ ڈیسک )کمشنر ملاکنڈڈویژن عثمان گل نے چترال سمیت مختلف علاقوں میں سیلاب کے بعد ڈویژن کے تمام اضلاع میں انتظامیہ اور متعلقہ اداروں کے افسران کی عید پر چھٹیاں منسوخ کرنے کے احکامات جاری کردئے ،سرکاری اعلامئے کے مطابق کمشنر ملاکنڈ ڈویژن عثمان گل نے مالاکنڈ ڈویژن میں سیلاب کے پیش نظر تمام اداروں کو ہائی الرٹ رہنے کی ہدایت کردی ہے اوراس ضمن میں کمشنر ہاؤس سیدو شریف میں کنٹرول رول قائم کر دیا گیا ہے جس کا نمبر0946-9240185ہے ،اعلامئے میں کہا گیا ہے کہ کمشنر نے سول انتظامیہ اور ایریگیشن، سی اینڈ ڈبلیو سمیت دیگر متعلقہ اداروں کو بھی ہائی الرٹ رہنے کی ہدایت جاری کردی ہے اورساتھ ہی دریا اور ندی نالوں کی قریبی آبادی کو محتاط رہنے کی بھی ہدایت کی گئی ہے تاکہ کم سے کم نقصان ہوسکے۔