لاہور(آئی این پی) سینٹ میں قائد حزب اختلاف چودھری اعتزاز احسن نے کہا ہے کہ پانامہ لیکس کی گھنٹی وزیر اعظم کے گلے میں ’’ٹن ٹن ‘‘کرتی رہیں گی ‘پانامہ لیکس کے ٹی اوآرز کے معاملے پر سپیکر سردار ایاز صادق کی ثالثی کی کوئی ضرورت نہیں ‘پانامہ لیکس میں سامنے والے معاملات ’’مالیاتی جرم ‘‘ہے ‘نواز شریف اپنے ٹرائل کے لئے خود ہی ٹی او آرز بنانا چاہتے ہیں ، ہم چاہتے ہیں کہ اپوزیشن کے ٹی او آرز پر تحقیقات ہوں ‘پیپلزپارٹی شاید کنٹینر کی سیاست کی طرف نہ جائے مگر تحریک کا حصہ بنیں گے ‘ پیپلزپارٹی سندھ اور پنجاب میں کوئی اختلاف نہیں ، نواز شریف اپنے ٹرائل کے لئے خود ہی ٹی او آرز بنانا چاہتے ہیں، جمہوریت کو کوئی خطرہ نہیں ہے اگر ہوگا تو ذمہ دار نواز شریف ہوں گے ۔اپنے ایک انٹر ویو میں سینٹ میں قائد حزب اختلاف چودھری اعتزاز احسن نے کہا ہے کہ نے حکومت وزیر اعظم اور انکے خاندان کو احتساب سے بچانا چاہتے ہیں اور ہم انکا احتساب چاہتے ہیں اس لیے ٹی او آرز کے کمیٹی میں کسی قسم کے مذاکرات کا کوئی امکان نظر نہیں آتا مگر حتمی فیصلہ اپوزیشن کی تمام جماعتوں نے مشتر کہ طور پر کر نا ہے ۔ انہوں نے کہا کہ شریف برادان اپنا احتساب نہیں چاہتے ہم نے ٹی او آرز کے معاملے پر لچک کا مظاہرہ کیا احتساب کا آغاز وزیر اعظم اور ان کی فیملی سے ہونا چاہئے ‘ نواز شریف اپنے ٹرائل کے لئے خود ہی ٹی او آرز بنانا چاہتے ہیں ہم چاہتے ہیں کہ اپوزیشن کے ٹی او آرز پر تحقیقات ہوں ۔ انہو ں نے کہا کہ جمہوریت کو کوئی خطرہ نہیں ہے ہوا تو نواز شریف ہی ذمہ دار ہوں گے ۔ انہوں نے کہاکہ پیپلزپارٹی میں سیاسی فیصلوں کا اختیار بلاول بھٹو زرداری کے پاس ہے ہم اپوزیشن کے ساتھ ہم خیال ہے اور وقت آنے پر ہم ’’ہم قدم ‘‘بھی ہو جائیں گے ۔انہوں نے کہا کہ وزیر اعظم او ر انکے خاندان کے احتساب پر کوئی سمجھوتہ نہیں ہو سکتا اور اپوزیشن کی9جماعتوں میں سے جو بھی اپنے موقف سے ہٹیں گی وہ کبھی عوام کا سامنا نہیں کر سکے گا ۔