لاہور(آئی این پی) وفاقی وزیر سفیران جنرل (ر)عبد القادربلوچ نے کہا ہے کہ غیر قانونی افغانیوں کو نکالنے کیلئے فی الحال طاقت کا استعمال نہیں آئینی وقانونی راستہ ختیار کر یں گے لیکن اسکے باوجود اگر تمام اقدامات کے باوجود وہ نہیں جائیں گے تو طاقت کا استعمال آخری آپشن ہوگا ‘پاکستان میں جتنے افغانی قانونی طور پر ہیں اس سے زیادہ غیر قانونی طور پربھی رہا ئش پذیرہیں ۔ اپنے ایک انٹر ویو میں جنرل (ر)عبد القادربلوچ نے کہا کہ ہم اقوامتحدہ کے لوگوں سے پاکستان سے افغانیوں کی واپسی کیلئے بات کر رہے ہیں ماضی میں افغان صدر حامد کرزائی نے افغانیوں کی واپسی کے معاملے میں کوئی دلچسپی نہیں جسکی وجہ سے معاملات بہت زیادہ خراب ہو ئے ہیں لیکن اب ہم نے فیصلہ کر لیا ہے انکو مزید برداشت نہیں کیا جائیگا ۔ انہوں نے کہا کہ میں اب بھی کہتا ہوں 10لاکھ سے زائد نوکریوں پر افغانیوں کا قبضہ ہے اور جب یہ یہاں سے جہاں گے تو پاکستان کو بھی روزگا ر ملے گا اور ملک سے بے روزگاری کا ختم ہوگا ۔ ایک سوال کے جواب میں وفاقی وزیر سیفران نے کہا کہ غیر قانونی افغانیوں کو نکالنے کیلئے طاقت کا استعمال نہیں آئینی وقانونی راستہ ختیار کر یں گے۔